by 
Song: Muharram ka Chand Hai
Singer: Waiz Hasan sultanpuri
Label: Ali Mohammad Official
Release date: Jul 25, 2022
Ahle Aza Ye Chand Muharram Ka Chand Ho Lyrics
ye hai hilaal e gham
ye gham ka chand hai
ahle aza ye chand moharram ka chand hai
ahle aza ye chand moharram ka chand hai
nikla gham e hussain ke mausam ka chand hai
ye fatema ke laal ke matam ka chand hai
farshe aza bichao bade gham ka chand hai
is chand mein ali ka dulaara hua shaheed
is chand mein rasool ka pyara hua shaheed
ahle aza ye chand…
ghar mein sajao parchame abbas e bawafa
aur uske paas laa ke rakho sheh ka taazia
padhte raho hussain ki ghurbat ka marsiya
tha jiska intezar wo din phir se aa gaya
purse ko shaahzadi e kaunain aayengi
farshe aza pe maadar e hasnain aayengi
ahle aza ye chand…
nikla hai jab ye chand safar mein hussain thay
asghar ko leke godh mein shabbir ro pade
kehne lage ye chand mere laal dekh le
is chand mein na chodenge ahle jafa tujhe
maarenge aise teer se tujhko ye ahle shar
haiwan bhi larazte hai jo teer dekh kar
ahle aza ye chand…
abbas ko galay se lagaya hussain ne
qasim ko apne pas bithaya hussain ne
akbar ko bhi khareeb bulaya hussain ne
phir gham ka chand sab ko dikhaya hussain ne
kehne lage qkhareeb hai ab arze karbala
har chand karbala mein mera doob jayega
ahle aza ye chand…
monis na bach saka koi yawar na bach saka
qasim na bach sake ali akbar na bach saka
battees saal waala baradar na bach saka
hadh ho gayi ki nanha sa asghar na bach saka
is chand mein ujad gayi kheti rasool ki
is chand mein luti hai kamayi batool ki
ahle aza ye chand…
karbobala ke baad bhi padti thi jab nazar
laila tadap ke roti thi ye chand dekh kar
shiddat se yaad aata tha kadiyal jawan pisar
seene ka zakhm aur wo farzand ka jigar
kehti thi mera chand to mitti mein mil gaya
ay chand baar baar mere saamne na aa
ahle aza ye chand…
waiz hilaale maahe moharram ko dekh kar
seene mein kaamp jaata hai aksar mera jigar
rota hai dil hussain ki ghurbat ko soch kar
jaati hai meri fikr sakina ke dard par
is chand mein hussain ki pyari hui yateem
seene pe sone waali dulaari hui yateem
ahle aza ye chand…
